ආදරෙයි නම් ඒ ඇස් හිනස්සවන්න...

 ආදරෙයි නම් ඒ ඇස් හිනස්සවන්න...

මොකද සමහර ඇස් හැමදාමත් කළේ
කඳුළු වට්ටපු එක...
ඉතින් ඒ ඇස් ආසයි
කඳුළුම වැටෙනවාට වඩා දවසක් හරි හිනාවෙලා බලන්න...

හුරුවෙන්න...
ආදරෙයි නම්
ඒ ඇස්වලට හිනාවක් දෙන්න...

අසරණයි හිත අදත් ......

 හිත අසල දැවටෙනා

මහ හැගුම් පොදියකි...
ඒ සමග උතුරනා
සෙනෙහසත් සිව්කොණේ...
සිව් දෙසින් ගිගුම් කයි
මහ හඩින් ආදරේ ...
අසරණයි හිත අදත්
වැලපෙමින් හාමතේ...
වියලෙන්න නෑ ඉඩක්
තෙතඋනයි නෙතු කොණේ...

ප්‍රේමණීය මොහොතක්

 ඇවැසි පෙම මා සතුය

නමුත් සිත ඇත නුඹ ළග
නිතර නුඹ සිහිවන
කරුණ වැටහී නැත මට...

හොරෙන් හිත තුළ රග දෙන
සෙනෙහසකි උතුරන
නමුදු එය සිරකල
වැටකඩොලු ඇත සැමතැන...

ඇහිපිල්ලම් යට සැගවුණු
කොපුල් දිග ඇද හැලෙන කදුලු බිදු
සැනින් පිස දැමිය හැකි
සිහිලැල් හිතක පෙමක් ඉතිරුණු...

තොල් පෙති

 දුහුල් සයන මත

විඩාබර වූ තොල් පෙති
මිමිනුවේ ප්‍රේමයට එහා
සොයා ගිය ගමනක්...
දුන් හාදුවක රසය
නා දළු උණුහුම් ඌ
සීතල කුණාටුවක
දෙකඩ කළ පහසක්..

ඉඳින්…
තොල් පෙති වල කතාව
රෝමාන්තික කඩුවක් !

ඝන වැහි වලා වෙත

 ගිනි පාට සලරුව ඇහිඳ ගෙන

අළු පාට වැහි සළුව
නොඉඳාම ගතු තෙරක කියාපන් 

තෙමුනාද ඔය දෑල

රන් පාට ලහිරු රුව නිදිවරම
තුහින ඉහි ඇහැළවර
නොතියාම ඉඩපතර පිබිදියන්
නිල් පාට මී'සර වියැන

පිණිදියන් දඟ කරන ඝන මේඝ
රුදු මොකට
මතක වැහි බිම් තීරු ඇත සමග 

ඈඳීයන් මං ගාව


ආ ගියපු තැන් තවම හදවතේ
තැන් හොයන
හේදියන් නොහිතාම හදවතේ
ඉඩ නොතිය !!!

කිරි දානයක්

 කිරි අම්මා කෙනෙක් කියන්නේ කාටද?

කිරි අම්මා කෙනෙක් කියන්නේ සත්‍යය වශයෙන්ම එම අවස්ථාව වන විට කිරි දරුවෙකුට තම දෙතනින් කිරි දෙන අම්ම කෙනෙක්. කිරි අම්මාවරුන්ගේ දානයට ශරීරයේ යම් යම් ආබාධිත තත්වයන් ඇති, (අංග විකල), අශුද්ධ, අවිවාහක, දුරාචාරී හා ස්වාමි පුරුෂයා මිය ගිය කාන්තාවන් කැඳවන්නේ නැහැ.

දානය දෙනු ලබන නිවැරදි වෙලාව?

සාමාන්‍යයෙන් කිරි අම්මා වරුන්ගේ දානයක් පැවැත් වෙන්නේ හිමිදිරි පාන්දරින්. ඒ කියන්නෙ උදේ පහට විතර. එනම් “කොස් නැටි පෙනෙන” වෙලාවටයි. එක් පත්තිනියකට විනාඩි හත බැගින් විනාඩි හතලිස් නමයක කාලයක් තුළ මෙය නිම කළ යුතු වේ.

දානය සදහා පිළියෙල කරන විශේෂ ආහාර

මේ සඳහා කෑම වර්ග හතක් පිළියෙල කරනවා. ඒ සෑම කෑම වර්ගයකින්ම හත බැගින් එක් කිරි මවකට පිළිගන්වනවා. ඒ කිරිබත් කෑලි හතයි, කිරි කෑලි හතයි, හැඳි කැවුම් (කොණ්ඩ නැති කැවුම්) හතයි, කෙසෙල් ගෙඩි හතයි, හකුරු කෑලි හතයි ආදී වශයෙන්. හැම කිරිමවක් ම ආහාර අනුභව කරන්නේ නොඉඳුල් කෙසෙල් කොළ.

කිරිඅම්මාවරුන්ගේ දානය දෙනු ලබන පිළිවෙල

කිරි දානයක් සදහා සුදානම් වීමේදී දානය දෙනු ලබන නිවස තුලට මස් මාංශ හා අනෙකුත්  පිළී ආහාර ද්‍රව්‍යන් රැගෙන ඒම දානය දෙනු ලබන දිනට පෙර අවම දින 3 ක කාලයක් සිට නවතා නිවස හා ගෙවත්ත පිරිසිදු කර දානය දීම සදහා නිවැසියන් සූදානම් වෙනවා.

නිවස මෙන්ම නිවැසියන්ද මේ කාලය තුල පිළීආහාර වලින් වැළකී පේවීම සිදු කරන්නේ වඩාත් හොදින් දේව ආශිර්වාදය ලබා ගැනීමේ අරමුණීන්.

නියමිත වේලාවට ප්‍රධාන කිරි අම්මා පෙරටු කරන් දානයට වාඩිවන කිරි අම්මාවරු පළමුව සත් පත්තිනි පහනේ තිරය බැගින් දල්වනවා. සත් පත්තිනි පහන සඳහා සුදානම් කරන පහන් තිර ශක්තිමත් ව තරමක් මහතට සකස් කරනවා.

දෙවනුව හඬ නගා පන්සිල් ගැනීම කරනවා.

තෙවනුව විනාඩි පහළොවක් පමණ පත්තිනි හෑල්ලේ කවි ගායනා කරනවා.

සිව්‍වනුව දානය වළඳනවා. ඒ සඳහා වැය කරනුයේ විනාඩි පහළොවක තරම් වු කාලයක්. දානය වැළඳීමට පෙර තම ආහාර බඳුනෙන් ස්වල්පයක් ඉෂ්ට දේවතාවුන් සිහිකර ඔවුන් වෙනුවෙන් එය ඉවත් කර පත් කොළයේ පසෙකින් තියනවා.

පස්වනුව දෙවියන්ට පිං අනුමෝදන් කරනවා.

ඉන්පසු නැගී සිටිනා කිරි අම්මාවරු හයවනුව සත් පත්තිනි පහනේ ඇති පහන් තිරය බැගින් අතට ගෙන රෝගියා හෝ බිළිඳු දරුවා අසලට ඇවිත්”සියලු රෝග නිවාරණයි” කියමින්, සත් වරක් බිළිඳාගේ/රෝගියාගේ කේශාන්තයේ සිට පාදාන්තය දක්වා ගෙනයමින් ආශිර්වාද කරනවා.

සත්වනුව ඒ අසල තබා ඇති පොල් කිරි භාජනයට එම තිරය දමා තිරය නිවා දමනවා.

ඉන් පසු තමාට පිළිගැන්වු ආහාරවල ඉතිරි කොටසද රැගෙන පසුපස නොබලා කඩුල්ල පැන පිටත්ව යනවා. සමහර ප්‍රදේශ වල නිවස කඩුල්ල පැන යාමට පෙර ප්‍රධාන කිරි අම්මා විසින් දානය දුන් පවුලේ සාමාජිකයන්ගේ සියළු දොස් දුරුවේවායි කියා පොල් ගෙඩියක් මන්නයෙන් බිද, ජලය පුරවා තිබූ කළයේ වතුරින් කිරි මව්වරුන් දෙපා සෝදා ගෙන නිවැසියන්ට සෙත් පතා පසු පස නොබලා යෑමත් කරනවා.

ඉස්සර කිරිඅම්මාවරු විනාඩි හතලිස් නමයක කාලය මැනගැනීම සඳහා  ඔරලෝසු බැලුවේ නැහැ.. “කොස් කොලවල නැටි පෙනෙන වෙලාවට” නිවසට පැමිණ, “කහ කැටේට ඉර පෑයිමට පෙර” පිටත්ව යන විට සාමාන්‍යයෙන් ගතවන කාලය මේ කටයුත්තට අයිති කාලය හැටියට ඔවුන් සැලකුවා.

මෙම දානයෙහි විශේෂත්වය තමයි,  කිරි අම්මාවරුනට පිරි නමන සෑම ආහාරයක්ම කිරි එරෙන දේවල් වීම. දානයට පැමිණීමට පෙර තම ළදරුවාට කිරි පොවා පැමිණෙන මව දානය නිමවා නැවත නිවසට යනවිට, ළදරුවාද නැවත කිරි බීමට සුදානම්වයි ඉන්නේ. එවිට ඇය තම නිවසට ආපසු පැමිණි වහාම කරනුයේ තමන්ගේ ළදරුවාට නැවත නැවතත් කිරි දීමයි. එවිට ඒ දෙන කිරි, කිරි දානයේදී වැළදු කිරි ආහාර පදනම් කොට ගෙන එරුණ ඒවා. “නොඉඳුල් ළදරුවන්ට” එම කිරි පොවන විට ඔවුන් වෙනුවෙන් පිරි නැමු දානයේ පරමාර්ථය නිරායාසයෙන් ම මුදුන්පත් වෙනවා

මෙම කිරි අම්මාවරුන් ගේ දානයේ තවත් වැදගත් කරුණක් වනුයේ “සත් පත්තිනි පහන” දැල්වෙනුයේ දානය සඳහා වැයවන කාලය තුළදී පමණක් වීම. කිරි අම්මාවරු පැමිණෙන විට පහන පත්තු නොවේ. ඒක් එක් එක් තිරය බැගින් පත්තු කරනුයේ ඔවුන් විසිනුයි. දානය අවසන් වු විට එක් එක් තිරය බැගින් නිවා දමනුයේද ඔවුන්මයි. පළමු කිරි මව පැමිණි මොහොතේ දැල්වීම ඇරඹෙන පහන, අවසන් කිරි මව නැගිට යන මොහොතේ සම්පුර්ණයෙන්යෙන්ම නිවා දැමෙනවා.

හැබැයි, මෙහිදී ඔබ තවත් දෙයක් මතක තියාගන්න ඕනේ. අපේ රටේ විවිධ ප්‍රදේශවල ජනතාව කිරිඅම්මාවරුන්ගේ දානය පවත්වන විදිය එක හා සමාන නැහැ. සමහර ප්‍රාදේශීය වෙනස්කම් නිසා ඔබ දැන සිටි කිරි අම්මාවරුන්ගේ දානය මීට වඩා පරස්පර වෙන්නත් ඉඩ ඇති.

 

බඹර තුඩ

 මැදියම් රැයේ අවදිකල හැඟීම් රාශියක මත්බව

ලයපුරා,ගෙලපුරා හදිසියේ
එහෙ මෙහෙ දුවන්නට විය ඉස්පාසුවක් නැතුවම,,,

නින්දත් නොනින්දත් අතර තිබු දෙහිතක ආශාව

අලුයට සැඟව සිටි ගිනි පුපුරුමෙන්
අවදිවන්නට විය එකින් එක_______

කටරොලු මල් බිමේ රොන් සොයා ආ බඹර තුඩ

සිහින් කෙඳිරිලි සංගීතයෙන් කුල්මත්ව
තව තවත් ගැඹුරටම කිමිදෙන්න විය,,,

ඉවසීම අසලවත් නැති රංගනයන් බොහොමයක් කෙලවර

මැදියමේ අවදිකල හැඟීම් ලඟ
හිත් දෙකක් නිවන් ගොස් තිබුනිය______

______

“ මැදියමේ අවදිවෙන හැඟීමුත් ගිනි පුපුරු වගේ "

ප්‍රේමයේදී මිනිස්සු හරි බොලඳයි කදුවගෙ සමහරු නාය යන්නෙ ඒකයි

 නෙතගින් වැටෙන කදුළු  කැට

දාස් ගානක් බරයි මේ   පපුවට
නොකියූවට රිදෙන හැටි  මට
දරාගන්නම බෑ රිදෙන එක නම්  තව.

නුඹ නොයෙන බව දැනුනා  මට
ඒත්
හිත පිළිගන්නෑ ඒ  වඟ
මටත් මහන්සි හොදටම  අද
හිත මග බලන් ඉන්න නිසා තව

ප්‍රේමය කියන්නෙ ලැබීමක්
අනෙක් අන්තයෙ නොලැබීමක්
ඇත්තටම කීවොත් ඒක අසීරුම විඳවීමක්
මිනිස්සු හොයන්නෙම විඳවීමෙන් සැනසීමක්..

ප්‍රේමයේදී මිනිස්සු හරි බොලඳයි
කදුවගෙ සමහරු නාය යන්නෙ ඒකයි

හීනය

 හීනයක් දෙස බලා 

ඒ හීනේ වෙනුවෙන්
හැඩගැහෙන පුංචි හිත
හිදිවි අදත් හිනැහී
හැබැවෙනවද නොදත් හීනයක
    
ඒ සිහිනේ කුමරුන්
ඔබ කියා නොදැනීම
රිදවාවි ඒ හදම
නොදැනීම නුබ ඒ බව

අහස පොලොව සේ
වූ නුබ දෙසම බලාන
තවමත් ඒ හදම
පුරාවි පෙරුමන්
නුබ නොදැනුවත්වම

ආදරය නම්,
වේදනාවකි
ජීවිතයකි
ආගමකි
අරුත් නම් බොහොමයි
ඒ හිතට නම්
එය භාවනාවකි

 

හිතුවක්කාර ධාවකයා

 වේග සීමා නොදත් හිතුවක්කාර ධාවකයෙකුට

වෙලඹකගෙ නාස් ලණුවක් හිමිවුනා_________________

සීමාව බිඳගෙන ගියොත් දඩවදින එක පාරක
ඉරි කපන් නිවනට දුර ගමනක් උන් ගියා_______________

අතරමග නැවතෙන හතිවැටෙන නැවතුම් ලඟ
හාදුවක් තව ගමනකට මුලපිරුවා___________________

මැදියමේ ඇරෙඹෙන මේ හැම ගමනක්ම
අලුයමේ ඉර එලිය ලඟටම ඉගිලුනා_________________


______________________

" රෑ මැද පටන්ගත්තු සමහර ගමන්
  අපි ඉවරකෙරුවෙ අලුයම ඉර එලිය ලඟින් "

ආදරණීය ප්‍රාර්ථනා

 පැණි දාපු පොරි එකකුත් අරගෙන මමත් ගියා හුගක් දවසකින් ෆිල්ම් එකක් බලන්න. පටන් ගන්න හුඟක් වෙලා තිබ්බ හින්දා selfie දෙක තුනකුත් ගහ ගත්තේ වෙන කවුරුත් හිටියේ නැති නිසා. ඒ ෆිල්ම් එක තමයි ආදරණීය ප්‍රාර්ථනා.

ආදරණීය පාර්ථනා යනු ශ්‍රී ලාංකේය ආදර සංගීතමය චිත්‍රපටයක් වන අතර වසව බදුගේ විසින් අධ්‍යක්ෂණය කරන ලද්දකි. ශ්‍රී ලාංකේය සිනමාවේ අවාසනාවට ද මන්දා චිත්‍රපටය නැරඹීමට හිටියේ අපි තුන්දෙනා පමණයි. නමුත් මෙම සිනමා නිර්මාණය මේ වන විට ඉහළ ප්‍රේක්ෂක ප්‍රතිචාර ලබමින් සිටී. ගීතා අටකින් යුත් මෙම නිර්මාණය සංගීතමය සිනමා නිර්මාණයක් ලෙස හදුන්වන්නේ ධාවන කාලයෙන් විනාඩි හතලිහක් ම ගීත සඳහා වෙන්වී ඇති නිසාවෙනි. එක් ගීතයක් භාතිය සන්තුෂ්ගේ නිර්මාණයක් වන අතර අනිත් ගීත යසස් මැදගෙදරගේ නිර්මාණය වෙයි. රාහුල් වරවිටගේ, ශනුද්‍රි ප්‍රියසාද්, නෙත්මි රොශෙල් යන අය ප්‍රධාන චරිත නිරූපණය කිරීම මෙයට හේතුවන්නට ද ඇත. මෙහිදී රහල්ගේ හා ශනුද්‍රි ගේ රංගන කුසලතාවය ඉහළ බවක් නිරූපණය කරන නමුත් රොශෙල් යම්කිසි රාමුවකට කොට එහි කොටු වී රංගනය කිරීමට උත්සාහ කරයි.

මෙම සිනමා නිර්මාණය තුළ අවධානය යොමු කළ යුතු ම කරුණක් වන්නේ කැමරාරූප රාමු පිළිබඳව යි. සෑම අවස්ථාවක් පාහේ ම අති සමීප රූප රාමු භාවිත කලේ මන්ද යන්න ප්‍රහේලිකාවකි. එය ප්‍රේක්ෂක ඇසට ද ද වේදනාවකි. විශේෂයෙන්
"මල් සිත්තම් ගෙත්තම් පාන පාලා - ඉගි මායම් වෑයම් ලා"
ගීතය ඇත්තෙන් ම සෞන්දර්යාත්මක ය. නර්තනය මනහරය. නමුත් මෙවැනි නර්තනය රූපගත කිරීමේදී අති සමීප රූප රාමු නිර්මාණයට කරන ඇත්තේ හානියකි. එයින් නිර්මාණාත්මක ගුණය බිඳී ගොස් ඇත. මෙය මෙහි පමණක් නොව සෑම අවස්ථාවකදීම දක්නට ලැබෙයි. ඒ අනුව කැමරාකරණයේ දී මෙයිට වඩා සැලකිලිමත් වන්නට තිබුණා යැයි මට හැඟෙයි. අධ්‍යක්ෂකවරයාගේ සිනමාවට ඇති කුලුදුල් භාවයෙන් මෙයට හේතුවන්නට ඇත.
වර්තමානයේ බහුලව දක්නට ලැබෙන අවස්ථාවක් ප්‍රේක්ෂකයන් නොසිතූ ආකාරයේ අවසානයක් ලබා දීමට මෙහිදී නිර්මාණ කරුවා සමත් වී ඇත. එය ඇත්තෙන්ම ප්‍රශංසනීයයි. මෙහි සෑම ගීතයක්ම ගීතයක් ම දැඩි සෞන්දර්යාත්මක වේ. කෙසේ වෙතත් සිනමාව වැළලී යන මෙවන් මොහොතක මෙම නිර්මාණය මේ අයුරින් ප්‍රේක්ෂකයන් වැළඳ ගැනීම සතුටට කරුණකි. 

සුවද නැති උනාට

කුමුදු මලකටත් ඇති

කාටවත් කියන්න බැරි

ලස්සන කතාවක්.....

ශාපයක් වූ කසාදය

 🧿 Ammu (2022)

☘️ ශාපයක් වූ කසාදය
☘️ Mystery /Crime
☘️ Telugu
☘️ 6.7/10 IMDB

අමුදා එහෙමත් නැත්තන් අම්මු කියන්නෙ සාමාන්‍ය කෙල්ලෙක්.මෙයා විවාහ වෙන්නෙ අසල්වැසි කෙනෙක් එක්ක. එයාගෙ නම රවී. එයා පොලිස්නිලදාරියෙක්. කසාදෙ හරිම සතුටින් වගේම සතුටින් දවස් ගෙවිලා යද්දි එක දවසක් අම්මුට එයාගෙ දවල් කෑම එක ගෙනියන්න අමතක වෙනවා..එතන ඉඳන් තමයි කසාදෙ දෙදරන්න පටන් ගන්නෙ.ඉතින් මේ පිස්සු සැමියා අම්මුට හැමදාම බයිනවා වගේම ගහනවා.. අම්මු කියන්නේ ආදරණීය බිරිඳක්. අම්මු කොපමණ ආදරේ ද යත් තමන්ගේ සැමියාගේ පහරදීම් පවා ඉවසගෙන හිටියා. ඇගේ මව නම් ප්‍රකාශ කරන්නේ සැමියාගේ පහරදීම් සාධාරණ බවයි. ඔහු රැකියාවෙන් විඳින පීඩාව පිට කරගන්නේ තමාගේ බිරිඳට පහර දීමෙන් බවයි. මුලින් මේ සියලු පීඩා ඉවසගෙන හිටියත් පසුව එයින් කම්පනයට පත්වන අමිමු මේ පීඩාවලින් ගැලවීමට මගක් සොයයි. පොලිස් කරුවෙකු වන රවී නැමැති තම සැමියාට විරුද්ධව නීතිමය ක්‍රියාමාර්ග ගැනීමට නොහැකි වූ තැන අම්මු තම විමුක්තිය සොයාගන්නේ කෙසේද?
දවසක් අම්මු දැනගන්නවා එයා ප්‍රෙග්නට් වෙලා කියලා..ඒත් එයා ඒක රහසක් විදිහටම තියාගන්නවා..මෙයාට පොලිස් ස්ථානයේදි ඇපමත ඉන්න හිරකාරයෙක්ව හම්බෙනවා..ඉතින් අම්මු එයත් එක්ක එකතු වෙලා මේ පිස්සු සැමියට හොඳ පාඩමක් උගන්නන්නයි යන්නෙ..ඉතින් ඒ පිස්සු සැමියා රවීට මොකද උනේ? අන්තිමේදි අම්මුට සාදාරණයක් ලැබුනද?ගැහැනිය යනු තවදුරටත් පිරිමින්ගේ අතකොළුවක් නොවන බවත් ඔවුන්ගේ නිහඩතාවය යනු බියගුලුකම නොවන බවත් මෙම නිර්මාණයෙන් ප්‍රකාශිත වේ. 

Kumari 💔💕 Horror / Thriller / Drama 2022 🎥 Malayalam 🎥

 Kumari 💔💕

Horror / Thriller / Drama
2022 🎥
Malayalam 🎥

පරම්පරාවෙන්ම හරි.සිරිත් විරිත් හරි ඔය කියන මොන දෙයකින් හරි වේවා.  ගෑනියෙක්   කිසිම
දවසක නොදන්න පිරිමියෙක් එක්ක දිග යන්න
එපා.දැන් බලයි නොදන්න පිරිමි එක්ක දිග යන්නේ කවුද කියලා .ඕව් ඇත්තටම අපි නම් යන්නැ,මෙකා මොන වගෙ මිනිහෙක්ද...ප්‍රේරේතයේක්ද කුම්භාන්ඩයෙක්ද.චන්ඩියෙක්ද.අහිංසකයෙක්ද කියලා බලලා ගැලපෙනවා නම් තමයි හැමෝම කසාද බදින්නේ....
ඒත් මේ අහස යට ලෝකේ කොහේ හෝ මුල්ලක අදටත් ජිවිතේටවත් දැකලා නැති මිනිහෙක් එක්ක ගෑනියෙක් දිග යනවා ඇති .සමහර
චාරිත්‍ර විධිත් ඇති එහෙම.

කතාවට බහිමුකෝ...කුමාරි කියන්නෙ ත් ආන්න ඒ විදියට ජිවිතේටවත් නොදැකපු මිනිහෙක් එක්ක දිග යන්න උන කෙල්ලෙක් .නොකර බැරි කමට කුමාරි දීගයකට ගියා.

හැබැයි අමුතු සිරිත්.චාරිත්‍ර ,ගුප්ත හැසිරිම් තිබුන පවුලක් වගේම ගමක්.

කුමාරි මොනා උනත් තමන්ගේ සැමියට ආදරේන් හිටියා ...ඒත් ඒ පවුල පරම්පරා ශාපයකට
ලක් උන පවුලක්.

චාතන්ගේ ශාපය.අම්මා කෙනෙක් වෙන්න යන
කුමාරි ඒ ශාපයට මුන දෙන යුරු.නොදන්නා ගමක. තමන්ගේ දරුවා වෙනුවෙන් සටන් කරන මවක්.

තමන්ගේ  සැමියාවත් තමන්ට සහයෝගයක් නොමැති තැන ගැහැනියක් විදියට භායානක අත්දැකීම් රාශියකට මුන දෙන අයුරු
කියවෙන කුමාරිගේ කතාව ඔයාලත් බලන්න

මෙක චිත්‍ර පටයක්ම නෙමෙයි .මේ වගේ ජිවිත
කුමාරිලා කී දාහක් මේ ලෝකේ ඇතිද තවත් ...

කවුද මේ "ජෙෆ්රි බාවා"

 - 

‍දේශමාන්‍ය ජේෆ්රි බාවා, FRIBA (1919–2003) ශ්‍රී ලංකාවෙහි වඩාත්ම කීර්තිමත් ගෘහ නිර්මාණ ශිල්පියා වන අතර, 20 වන සියව‍සෙහි අවසන් දශක කිහිපය තුලදී අග්නිදිග ආසියාවෙහි වඩාත්ම ආභාසික ගෘහ නිර්මාණ ශිල්පීන් අතරින් එකෙකු වෙමින්, වත්මනෙහි ගෝලීය වශයෙන් ‘නිවර්තන නූතනවාදය’ ලෙසින් හැඳින්වෙන්න පසුපස සිටි ප්‍රධාන බලවේගයද විය.

මුල් කාලීන ජීවිතය
ජේෆ්රි බාවා 1919 දී උපත ලද අතර ඔහුගේ දොමාපියන් යුරෝපීය සහ ශ්‍රී ලාංකික මිශ්‍ර පසුබිමකින් පැවතෙන්නන් විය. තවද ඔහුගේ දෙමාපියන් පොහොසත් අයවූහ. ඔහු සුප්‍රසිද්ධ රාජකීය විද්‍යාලයෙන් මූලික අධ්‍යාපනය ලැබු අතර පසුව කේම්බ්‍රිජ් විශ්ව විද්‍යාලයේ ඉංග්‍රීසි භාෂාව පිළිබද (ඉංග්‍රීසි සාහිත්‍ය පිළිබද කොටස් තුනකින් යුත් උපාධි පරීක්ෂණය) උපාධියක් ලබා ගන්නා ලදී. අනතුරුව ඔහු ලන්ඩනයේ මිඩ්ල් ටෙම්පල් හිදි නීතිය හදාරා 1944 වසරේදී අධිනිතීඥ වරයෙකු බවට පත් විය. යුද්ධයෙන් අනතුරුව නැවත සිය රට බලා පැමිණි ඔහු කොළඹ පිහිටි නීති ආයතනයකට බැදුණි. නමුත් ඉතා ඉක්මනින්ම ඔහු එම රැකියාව හැර දමා වසර ‍දෙකක කාලයක් සංචාරයේ යෙදුණි. මේ අතරතුර ඔහු වරක් ඉතාලියේ පදිංචි වීමට පවා අදහසකින් පසු විය. කෙසේ නමුත් මෙම කාලයෙන් අනතුරුව වයස අවුරුදු 38 දී ඔහු ගෘහ නිර්මාණ ශිල්පය වෙත යොමු විය.

ක්‍රියාකාරකම්
1956 වසරේදී ප්‍රථමයෙන් බාවා ලන්ඩන් ගෘහ නිර්මාණ ශීල්පි සංගමයෙන් ගෘහ නිර්මාණ ශිල්පය පිළිබද ඩිප්ලෝමාවක් ලබාගත් අතර ඉන් පසු වර්ෂයේදී ඔහු බ්‍රිතාන්‍ය රාජකීය ගෘහ නිර්මාණ ශීල්පී සංගමයෙන් සාමාජිකයෙකු බවට පත් විය. අනතුරුව 1958 වසරේදී ඔහු නැවත ශ්‍රී ලංකාව බලා පැමිණි අතර ඒත් සමගම කොළඹ පිහිටි මෙසෙස් , එඩ්වඩ්ස්, රීඩ් සහ බෙග් ආයතනයේ පාර්ශව කරුවෙකු බවට පත් විය. අනතුරුව 1960 වර්ෂයේදී බාවා ශ්‍රී ලංකා ගෘහ නිර්මාණ ශිල්පි සංගමයේ සාමාජිකයෙකු බවට පත් විය. මේත් සමගම බාවා හට ඔහු මෙන්ම සිතිවිලි වලින් යුත් නිර්මාණ ශීල්පීන් සහ සැළසුම් කරුවන් ගණනාවක් හදුනාගැනීමේ අවස්ථාව හිමි විය. ඒ අතරට එනා ඩි සිල්වා, බාබරා සැන්සෝනි සහ ලකී සේනානයක වැනි අය අයත් වු අතර ඔවුන් සමග එක්ව බාවා විසින් දේශීය අමුද්‍රව්‍ය සහ කලා ශිල්ප පිළිබද නව අවබෝධයක් ලබාගන්නා ලදී. මේ සමගම පශ්චාත් යටත්විජිත පුනරුදය හටගන්නා ලදී.

ප්‍රසිද්ධ නිර්මාණ
ශ්‍රී ලංකා පාර්ලිමේන්තු ගොඩනැගිල්ල
ශ්‍රී ලංකා ගෘහ නිර්මාණ ශිල්පි ආයතනයේ මුලස්ථානය
‍රුහුණ විශ්ව විද්‍යාලය
කණ්ඩලම හෝටලය
ලයිට් හවුස් හෝටලය
බ්ලු වෝටස් හෝටලය
බෙන්තොට බීච් හෝටලය
ලුණුගඟ (උද්‍යානය)
සීමාමාලකය -‍ගංගාරාමය
නිල්වලා අධ්‍යාපන විද්‍යාපීඨය - අකුරැස්ස